0
0
തിരുവനന്തപുരം: മലയാളികളുടെ പ്രിയപ്പെട്ട നടൻമാരിൽ ഒരാളാണ് ഇന്ദ്രൻസ്.
ചെറിയ ചെറിയ കോമഡി വേഷങ്ങളിലൂടെ, പിന്നീട് അഭിനയത്തിന്റെ പലതലങ്ങളിൽ എത്തി പ്രേക്ഷകരെ അമ്പരപ്പിച്ച നടൻ കൂടിയാണ് ഇന്ദ്രൻസ്.
ഹോം എന്ന ചിത്രത്തിലെ മികച്ച അഭിനയത്തിന് ദേശീയ പുരസ്‌കാരവും ഇന്ദ്രൻസിനെ തേടിയെത്തിയിരുന്നു.
ഇപ്പോൾ വീണ്ടും വിദ്യാർത്ഥിയാണ് ഇന്ദ്രൻസ് മലയാളികളെ വിസ്മയിപ്പിക്കുന്നത്.
പത്താംക്ലാസ് തുല്യതിന് ചേർന്നിരിക്കുകയാണ് താരം. തിരുവനന്തപുരം മെഡിക്കൽ കോളേജ് ഹൈസ്‌കൂളിൽ എല്ലാ ഞായറാഴ്ചയുമാണ് ക്ലാസ്. 10 മാസമാണ് പഠന കാലയളവ്.
ഏഴാം ക്ലാസിൽ പഠനം അവസാനിപ്പിച്ചയാളാണ് ഇന്ദ്രൻസ്. അതിന്റെ രേഖകൾ എല്ലാം സമർപ്പിച്ച ശേഷമാണ് പത്താംക്ലാസ് തുല്യത ക്ലാസിന് ചേർന്നത്.
ആവശ്യത്തിന് പഠിത്തം ഇല്ലാത്തതിനാൽ ദേശീയ സംസ്ഥാന അംഗീകാരം ലഭിച്ചിട്ടും പലയിടത്തും ഒരു പേടിയോടെ പിന്നോട്ട് വലിയുന്നു, ഇത് ഇല്ലാതാക്കണമെന്നും നടൻ പറയുന്നു.
